المساعد الشخصي الرقمي

مشاهدة النسخة كاملة : ورشة ورش ^



simple
03-27-2011, 12:22 AM
بسم الله الرحمن الرحيم

سلام الله عليكم ..^

الكل بيعرف إنو بلش الموسم الأول من مذاكرات مادة الورش ,

و في نسبة من الطلاب منيحة ما عم تعرف شو هالمادة

و كيف بتندرس و شو المطلوب نكون فهمانين من كل تجربة و وووو الخ

أيضا ممكن يطلع لأحدنا تساؤل أثناء دراسته ,

فإن شاء الله هذا هو المكان المناسب لطرح السؤال ,

و سنجد إن شاء الله الجواب من مصادر موثوقة و متعددة :rolleyes:


نتنمنى مشاركة كل من درس هذه المادة بنصيحة

و بالإجابة على تساؤلاتنا و استفساراتنا و لكم جزيل الشكر : )))


______________

بعد انتهاء الورشة ، تم عمل كتيّب تلخصياً لأهم مارود في هذه الورشة ، تم تقسيم الكتيب إلى :
قسم للمخلصات
+
قسم للأسئلة المذاكرات و الامتحانات

و عسى الله ينفعكم به .. دعواتكم
ساهم أيضاً في إعداد الكتيّب :
أ. محمود الباشا ، نور-29 ، سمايل ، جزيل الشكر و العرفان لهم

لتحميل الكتيّب من المرفقات ، بالتوفيق

waseem kalaji
03-27-2011, 12:39 AM
اولا مشكورة اخت فاطمة عالمبادرة الرائعة بهالموضوع
ثانيا : أنا رح ابدأ بأول سؤال واللي هو كيفية دراسة المادة يعني الدراسة من الكتاب هاد مو حكي كل جلسة أحيانا تصل لل 30 صفحة واكتر و حتى لو حدا قلي جيب التلخيص من مكتبة (( نسيت اسمها )) اي شفتو وهو نفس الكتاب بس مختصر الفقرات المحذوفة وهي مو صعبة ان منسأل عليها الاستاذ بس المبدأ انو هالمادة كهرباء وصعب بصمها ومن ناحية الفهم ما شاء الله ...%
بقا اللي بيعرف كيف بتندرس يتكرم علينا او اذا في حدا محتفظ بأسئلة المذاكرات نشوفهم كفكرة عامة وخصوصا طلاب السنة الأولى اللي كانت المادة عندهم بالفصل الأول
انتظر ردودكم

أثينا
03-27-2011, 12:42 AM
يعطيك العافية بس لبين ما نسأل ونجاوب بكون راحت المذاكرة وبكون أبدعت فيها لأنو صلي عم بدرس ورش ليل نهار فإذا فيش جديد يا ريت تأسعفينا لأنو المذاكرة الإثنين وأنا لسه باقيلي البحث الأول والرسم و........

محمود الباشا
03-27-2011, 12:46 AM
اول الشي بالنسبة للورش كلها فهم بفهم بفهم بفهم

مافيها و لا ثغرة لحتى تبصمها

لك حتى التعاريف كمان بدها فهم بعدها بدك تحفظها

مافي تحت ايدي كتاب لحتى اسألكون او اشرح شي عكلن بكرا جهزو اسئلتكن و نحنا جاهزين

و عالأغلب بكرا بحاول اطرح كم فكرة هامة وانتو اقرأوها و روحو الاثنين و قدمو :)

و الأخت فاطمة نست شغلة هامة
يرجى الاقتصار على المشاركات العلمية الهادفة و الا سنضظر آسفين لاتخاذ الاجرائات اللازمة :rolleyes:

Aleppo Force
03-27-2011, 12:49 AM
شكرا كتير عالموضوع ، و أصلا الموضوع كان لازم ينزله واحد من زمان :rolleyes:، لكنه سبحنا الله يسامحه :rolleyes:

مشان مادة الورش ، عيب المادة أن صلاحية المهندس المسؤول كبيرة ، وهو بقرر على كيفه ، يعني مافي نظام ثابت :( .

كل مهندس له طريقته و بالتأكيد تتفاوت بالصعوبة و الإفادة ، و أكتر شي تقدروا تفيدوا بعض فيه هو محاولة جمع معلومات عن أسلوب و نماذج عن أسئلة كل مهندس بالمخبر (عددهم كبير) الله يعينكم .
و أتمنى من طلاب ثانية و ثالثة و حتى من طلاب أولى اللي أخدوا المادة في الفصل الأول أن يحكوا راسهم و يتذكروا قدر الإمكان إش أخدوا ....

من ناحيتي :
درسنس المهندس أحمد أشرم (الملقب بـ : "يا جماعة") و اختصاصه الدقيق هو : حاسبات
أنا ما اطلعت على باقي المهندسين ، لكن هذا المهندس أكثر من رائع ، لأني كنت أتوق لمحاضرة الورش و كانت ممتعة جدا ، أسلوبه يعتمد على الفهم ، بعيد كل البعد عن البصم ، اللي بيفهم بالمحاضرة ممكن يدخل عالمذاكرة بدون حتى ما يراجع ياخد علامة ممتازة ...

مذاكرتنا كانت : أذكرها كأنها كانت البارحة :
1) تكلم باختصار عن ما يلي / و جاب كم شغلة سهلة أذكر منها (الربط التسلسلي - الربط التفرعي - التيار الإسمي .... إلخ )
2) مسألة عبارة عن قانون أوم و كان فيها نكشة بسيطة هي أن فرق الكمون بين فازين (طورين) عبارة عن 380 فولت .

هذا ما أذكره ، ويمكن خلطت المذاكرتين ببعض :confused: ما بعرف ...


لكن أي استفسار علمي عن مادة الورش أنا ممكن أساعد ....

بس لو تقولوا مين مهندسكم !!!!!
أتمنى ما يكون م. أحمد جربوع :rolleyes: لو كان هو انتبهوا لأن المذاكرة رح تكون مسائل تعجيزية !!!! ، على كل ممكن أسأل رفقاتي إش جبلهم مسائل ...

AHmAD KhAtTaB
03-27-2011, 01:20 AM
يعطيكي العافية اخت فاطمة .. ونحنا عنا الخميس المذاكرة وماني عرفان شلون بدي ادرسها .. بصم ولا فهم .. اذا بصم مصيبة لانو كل تجربة اكتر من 30 صفحة ... واذا فهم مصيبة اكبر ... والغريبة انو المادة ما الها اسئلة دورات ولا مذاكرات ولا شي .. والغريب اكتر انو ولا حدا بيرسب بالمادة كيف ما بعرف يعني ما نها سهلة .. هلا المهندس احمد جربوع كان يعطينا احيانا واحيانا مهندس تاني مشبشب وبيلبس طوق .. وشلون بدون يجيبو مسائل ما ليكون في قوانين انا شايف معظم المادة نظري .. انشاء الله بتمضى على خير علينا وعكل الطلاب

M@7M0uD
03-27-2011, 02:05 AM
يعطيكي العافية اخت فاطمة .. ونحنا عنا الخميس المذاكرة وماني عرفان شلون بدي ادرسها .. بصم ولا فهم .. اذا بصم مصيبة لانو كل تجربة اكتر من 30 صفحة ... واذا فهم مصيبة اكبر ... والغريبة انو المادة ما الها اسئلة دورات ولا مذاكرات ولا شي .. والغريب اكتر انو ولا حدا بيرسب بالمادة كيف ما بعرف يعني ما نها سهلة .. هلا المهندس احمد جربوع كان يعطينا احيانا واحيانا مهندس تاني مشبشب وبيلبس طوق .. وشلون بدون يجيبو مسائل ما ليكون في قوانين انا شايف معظم المادة نظري .. انشاء الله بتمضى على خير علينا وعكل الطلاب

اي هو نفسو أبو الطوق يعني م . أحمد الجربوع
وفي نوط بمركز التصوير بعض الطلاب نصحوني فين
والتعاريف والقوانين أهم شي

Amsha Toon
03-27-2011, 02:37 AM
اي خدعات انا جاهز ..

نصيحة أخويه :
افهمو الرسمات فهم .. لا حدا يبصم شي .. هي اهم نقطة ^_^

NOUR-92
03-27-2011, 11:36 AM
شخصيا"..!! لسا ما درست الورش..^_^.. مذاكرتي الاربعااااء
........
بالنسبة للجلسة الاولى:الاساتذة ركزوا عوصل المصابيح ..دركسيون...وغيرو..
الجلسة التانية:هي عن اجهزة القياس...في فقرة اسمهاطرق تحديد الاعطال للعناصر الكهربائية...بصراحة فيا نظري مو كتير مفهوم...بس سؤال شلون ممكن تجي؟؟
وكيف منعرف ديود سليم او عاطل؟؟مو كتير واضحة الفكرة:(..؟؟
الجلسة التالتة:التعرف على العناصر الالكترونية...مقاومات,مكثفات...هاد حلو شوي:)
الجلسة الرابعة:..المحولات..ركزت الانسة عالوصل...
اما بالنسبة للنظري:(...الفرق بين محولات الجهد ومحولات التيار؟؟...متى تكون المحولة رافعة للجهد.....الخ.
اتمنى من يللي قدمو الورش يساعدونا...ولكم جزيل الشكر.

Abd alR7man AlN3ssan
03-27-2011, 07:23 PM
يعني عندي سؤال يجول في الأذهان
الآنسة وقت عم تعطينا النظري عم تحكي كلام عل سريع
نص مفهوم ونص لأ؟؟؟
وكمان في بعض الصفحات انحذفت من قبل الآنسة الله يعطيها العافية؟
السؤال : انو ندرس من الكتاب ولا من التلخيص الي عم نكتبو نحن؟؟
وكمان في الرسمات الي عم يعطونا ياهن ونرسمن هنن نفسن الي عم يعلمونا طريقة الوصل
لذلك حفظ الطريقة من الرسمة؟؟ أو مو حفظ حفظ يعني فهما شلون بيصير
اي طرف مع اي طرف بينوصل

في التجربة التانية والتالتة مصور التوصيل عل حقيقة مو رسم
اذا بدكن بنزلن هون للي نوعا ما للي نسيان توصيلن ولي انا منن :p
وكمان بالتجربة الرابعة مصور أشكال الديود والليد والديود الملون وكيفية التمييز بينن
وكمان مذاكرتي الثلاثا لذلك بدنا جهد والله يعطين العافية سلف
للي قدمو اليوم او بكرا مذاكرة الورش يقولولنا شلون الوضع وشلون كانت الأسئلة
مو تفهموا عم تهربولنا الأسئلة ها ;)
بس مشان نعرف شلون كان الفحص
تحياتي

snow-white
03-27-2011, 08:27 PM
المذاكرة بتكون كلا نظري والاجابة على ورقة الاسئلة يعني مافي توصيل
بس ممكن يطلبوا رسم المخطط النظري وبيجيبو مسألة بيطلبوا فيا تحديد قيمة المقاومة من خلال الالوان


وكيف منعرف ديود سليم او عاطل؟؟مو كتير واضحة الفكرة

يتم فحص الديود باستخدام جهاز الآفوميتر
نضع مفتاح القياس على وضعية الاوم
نضع + مع+ و- مع - لازم يعطي قراءة صغيرة
نضع+مع - و -مع + لازم يعطي مقاومة لا نهائية
من خلال هالحالتين منعرف انو الديود سليم بس اذا بالحالتين عطا قيمة كبيرة معناه بيكون الديود تالف

Abd alR7man AlN3ssan
03-27-2011, 08:31 PM
الوان شو؟؟؟؟؟؟؟؟؟؟؟؟؟؟؟؟؟؟

waseem kalaji
03-27-2011, 08:49 PM
اي اي في شي أسمو الوان سمعت فيها هالشغلة مشان تحديد الأعطال يمكن على ما اذكر

simple
03-27-2011, 09:56 PM
أيييي اليوم شفتا لهالمسألة بالصفحة 72

يا جماعة مين قدم اليوم يحطلنا كم سؤال ؟؟

أنا المهندس اللي عم يدرسني اسمو مصعب سبيب ,,
و مشكورررين كتير
يا ررب ادعولنا ,: (((

snow-white
03-27-2011, 10:01 PM
الوان شو؟؟؟؟؟؟؟؟؟؟؟؟؟؟؟؟؟؟
لا انا خربطت هالمسألة بتأخدوا بآخر جلسة وانتو لسا مذاكرتكن بأول اربع جلسات

أثينا
03-27-2011, 10:11 PM
اي خدعات انا جاهز ..

نصيحة أخويه :
افهمو الرسمات فهم .. لا حدا يبصم شي .. هي اهم نقطة ^_^

السلام عليكم ورحمة الله وبركاته
لسه الكل بقلي فهم طيب بس قولولي شو رح أفهم فيا إذا الأستاذ عم يشرح فقرة بدور عليها بالكتاب ولما بشوفها\\وليي\\بكون خلصت الجلسة وبقولولنا قومو ع التوصيل
تاني شي اليوم في أستاذ عطاني نموذج أسئلة وعلى أساس أنا دارسة بحث من هالورش وفجأة\\انكسرت\\ بشوف الأسئلة اشرح وتحدث\\ بكي \\ وكأني درس قومية :confused:\\لا تحاول\\أما فقرة طريقة اختبار الأعطال فهي 3 صفحات بالله عليكم شو رح أدرس منهاااااااااااااااااااااا؟؟؟؟؟:confused:\\ دراسة \\\\واع\\

أثينا
03-27-2011, 10:30 PM
أيييي اليوم شفتا لهالمسألة بالصفحة 72

يا جماعة مين قدم اليوم يحطلنا كم سؤال ؟؟

أنا المهندس اللي عم يدرسني اسمو مصعب سبيب ,,
و مشكورررين كتير
يا ررب ادعولنا ,: (((




شو قصدك ؟؟؟؟؟؟؟؟إذا مسألة الألوان فرح أشرحلك :رح يعطونا مقاومة الألوان مثلا 1برتقالي يعني أول لون برتقالي ,2 بني ,3 أحمر ,4 ذهبي ورح يقولوا احسبي المقاومة ؟؟؟:confused:
اللون البرتقالي بيمثل الرقم 3 الألوان وارقامها في الصفحة 190 بدك تحفظيها \\ دراسة \\
والبني 1 أما الأحمر 2 هلأالحل :
R=31...وبما أنو الأحمر رقمه 2 فبتحطي دائما بعد أول رقمين أصفار بقيمة اللون الثالث فبيصير الحل R=3100AOM وبما أنو أخر لون ذهبي فرح يكون نسبة الخطأ +_5بامية
أما إذا كان فضي فرح يكون +_10بالمية وإذا مافي لون رح يكون +_20 بامية
حلي هاد:اللون الأول أبيض والثاني أخضر والثالث ذهبي والرابع ذهبي أنتبهي نسبة الخطأ بنعرفها عن طريق الخانة الرابعة \\تعب\\

أثينا
03-27-2011, 11:06 PM
نداء إلى الزميلة Snow _white ولكل الطلاب السنة التانية و..... .........!!!!!!!كيف رح أدرس فقرة طريقة اختبار الأعطال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Aleppo Force
03-27-2011, 11:07 PM
يعني عندي سؤال يجول في الأذهان
الآنسة وقت عم تعطينا النظري عم تحكي كلام عل سريع
نص مفهوم ونص لأ؟؟؟
وكمان في بعض الصفحات انحذفت من قبل الآنسة الله يعطيها العافية؟
السؤال : انو ندرس من الكتاب ولا من التلخيص الي عم نكتبو نحن؟؟
وكمان في الرسمات الي عم يعطونا ياهن ونرسمن هنن نفسن الي عم يعلمونا طريقة الوصل
لذلك حفظ الطريقة من الرسمة؟؟ أو مو حفظ حفظ يعني فهما شلون بيصير
اي طرف مع اي طرف بينوصل

في التجربة التانية والتالتة مصور التوصيل عل حقيقة مو رسم
اذا بدكن بنزلن هون للي نوعا ما للي نسيان توصيلن ولي انا منن :p
وكمان بالتجربة الرابعة مصور أشكال الديود والليد والديود الملون وكيفية التمييز بينن
وكمان مذاكرتي الثلاثا لذلك بدنا جهد والله يعطين العافية سلف
للي قدمو اليوم او بكرا مذاكرة الورش يقولولنا شلون الوضع وشلون كانت الأسئلة
مو تفهموا عم تهربولنا الأسئلة ها ;)
بس مشان نعرف شلون كان الفحص
تحياتي
بس صرت تشوف أن في فرق بين التوصيل العملي و بين الدارة المرسومة ، لازم تعرف أن عندك مشكلة :( .... ، ممكن يقلك ارسم الدارة بدون توصيل ، وممكن يقلك وصل الدارة بدون رسم ، و لازم ما تفرق معك !!!
مارح تستفيد كتير من اللي قدموا قبلك لـن كل مهندس أسلوبه شكل!!!!

أيييي اليوم شفتا لهالمسألة بالصفحة 72

يا جماعة مين قدم اليوم يحطلنا كم سؤال ؟؟

أنا المهندس اللي عم يدرسني اسمو مصعب سبيب ,,
و مشكورررين كتير
يا ررب ادعولنا ,: (((




احمدي ربك و حطي إيديكي و رجليكي بمية باردة ، أكثر واحد بيعطي علامات هو م.مصعب الشبيب ، خاصة إذا كنتوا تهتموا بنظافة المخبر خخخخخ
بس أسئلته تلقائية و أغلبها نظري أبو عرف و علل وهيك شي ....

السلام عليكم ورحمة الله وبركاته
لسه الكل بقلي فهم طيب بس قولولي شو رح أفهم فيا إذا الأستاذ عم يشرح فقرة بدور عليها بالكتاب ولما بشوفها\\وليي\\بكون خلصت الجلسة وبقولولنا قومو ع التوصيل
تاني شي اليوم في أستاذ عطاني نموذج أسئلة وعلى أساس أنا دارسة بحث من هالورش وفجأة\\انكسرت\\ بشوف الأسئلة اشرح وتحدث\\ بكي \\ وكأني درس قومية :confused:\\لا تحاول\\أما فقرة طريقة اختبار الأعطال فهي 3 صفحات بالله عليكم شو رح أدرس منهاااااااااااااااااااااا؟؟؟؟؟:confused:\\ دراسة \\\\واع\\
أختي الكريمة أي شي ما تفهميه نزليه هون :) ، حتى لو عنوان رئيسي بس !!!

Aleppo Force
03-27-2011, 11:12 PM
[

نداء إلى ولكل الطلاب السنة التانية و..... .........!!!!!!!كيف رح أدرس فقرة طريقة اختبار الأعطال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مممممممم

ما بتذكرها ، لو تنزلي العناوين الرئيسية بهالفقرة .....
ملاحظة : ما حدا من طلاب السنة الثانية درس من الكتاب إلا (اتصالات - حاسبات - قدرة) و الباقي درسوا من نوطة !!!

محمود الباشا
03-27-2011, 11:26 PM
س:ما هي الشروط التي يجب التقيد بها عند تصميم و تنفغيذ التمديدات الكهربائية الحل صـ 12 أعلى الصفحة أربع تعدادات
س:بماذا ينصح ان تحتوي اللوحة الكهربائية الحل صـ15 أعلى الصفحة

صـ19+20
الشروط الفنية لتنفيذ التمديدات هامات كتييير و ضروري يكون عنكن المام فيهون اقفرؤاوهن و اي شي غامض انا جاهز

بالصفحة 21
هالصفحة لازم تفهموها و تاخدو الفكرة الرئيسية
و هي انو الموالدات بتقوم بتوليد توترات بحدود 10-20 كيلو فولتو بعدها بيحولوها لـ220كيلو فولت ( سؤال علل يتم نقل القدرة الكهربائية بتوترات عالية )
الجواب انو لو استعملنا جهد صغير فرح يمر بالأسلاك تيار كبير نسبيا و هاد بيتطلب أنو نقلل من مقاومة اسلاك التمديدات يعني منكبر المقاطع يعني بدنا نزيد وزن النحاس المستعمل يعني بدها اتزيد الكلفة الاقتصادية
فالمحولة بترفع الجهد و بتخفض التيار و ذلك حسب العلاقة الشهيرة v1/v2=i2/i1

بعد رفع الجهد يرسل عبر الأسلاك بثلاثة نواقل و يخفض الجهد من 20كيلو فولت الى 0.4 كيلو فولط
و يوزع للاستهلاك المنزلي

بالنسبة للأعطال هي الفقرة لازم يحطوها بالأخير
لأنو في تجربة اسمها الأعطار الكهربائية

بس خدو منها تعريف الفاصمة المنصهرة و هي عبار عن سلك رفيعه من النحاس ينصهر اذا ازداد التيار المار فيو عن حد معيّن

عنكن كمان التيار الأسمي بالتعريف هو أعلى قيمة للتيار لا يمكن تجاوزها

هلأ منجي عمبدأ عمل مصباح الفلوريسانت ( النيون )

بدو فهم اقرأو و أي سؤال انا جاهز
جاري تهيز باقي الجلسات :)

محمود الباشا
03-27-2011, 11:49 PM
بالنسبة للجلسة الثانية
بصراحة ما بعرف شو الغاية منها بس انتو عنكن فكرة عن منبع التغذية هو كل جهاز او اي اداة تزود بالطاقة الكهربائية

اقرأو التجربة قراءة و الشغلات اللي ما بتفهموها اسألو عنها


كيف منعرف الديود اذا سليم و الا لأ ؟؟
منوصلو عمقياس اوم ( مقياس لقياس المقاومة )
في الحالة الأولى لازم يعطي قيمة مقاومة صغيرة جدا
اما لو عكسنا القطبية فلازم يطلع معنا مقاومة لا نهائية
الترانزستور نفس الشي لأنو هو عبارة عن ديودين موصولين مع بعض

فمنتأكد عبر أربع مراحل من سلامة عمل الترانزستور
اما لو طلب منا تحديد الجامع من الباعث في الترانزستور
كمان سهلة بمقياس اوم منحدد هالشي
طبعا لأنو مقاومة الجامع أكبر من مقاومة الباعث

بالترانزستور كافة طرق تحديد الأعطاس تتم بين القاعدة و الباعث او القاعدة و الجامع
ما منوصل مقياس اوم بين الجامع و الباعث ما منستفيد شي ؟!؟!؟!

أهم شي بالتجربة الصفحة 66 و ما بعد
يعني اللي قبل ما عرفت اش بدي اشرح فيّو بس هاد اللي اتوفقت فيو
شغلة هامة لتجربة و تحديد العناصر الالكترونية و هي انو لازم نشيل القطعة الالكترونية من الدارة اثناء الفحص

محمود الباشا
03-28-2011, 12:04 AM
الجلسة الثالثة

التجربة كلها نظرية و لازم تفهموها و بعدها اتحاولو تحفظوا
التجربة كلها تعاريف و تعدادات
بقى بدها شويّة تركيز بس بسيطة لا تاكلو همها

المقاومات و انواعها : 1-ثابتة 2-متغيّرة
الثابتة كربونية او سلكية او فلمية
و كيف منعرف قيمة المقاومة من الوانها
اما المتغيرة فهي سلكية او كربونية
( بتحفظو تعالريفن و انواعن )


المكثفات تعريفها و انواعها
المكثفات السيراميكية تعريفها و المكثف الورقي و كيفية معرفة سعته و استقطابه
ميزات مكثف الميكا

الترانزستور أحادي الوصلة تعريفه مع اقطابه و رمزه
الدياك تعريفه و رمزه

الدارات المتكاملة مم تتألّف و تصنيفها

محمود الباشا
03-28-2011, 01:31 AM
التجربة الرابعة : تجربة المحولات

تعريف المحول الكهربائي ,اذكر انواع المحولات, طرق التبريد

بالنسبة للتعريف هو موجود بشكل واضح و صريح بالكتاب و كمان أنواع المحولات

أما طرق التبريد فهي :
التبريد بالزيت او عدة سوائل أخرى ( كالاسكاريل و مائع السيليكون )
التبريد بالهواء الطبيعي او القسري ( محولات ناشفة او محولات هوائية )
التبريد بالهيدروجين المضغوط ( يكون على شكل سائل )

بالنسبة لطري توصيل المحولة ثلاثية الطور
بالتوصيل النجمي .. منوصل نهايات (أو بدايات ) كل ملف عنقطة وحدة و منسميها النقطة الحيادية
بالتوصيل النجمي فمنوصل الثلاث ملفات عالتسلسل يعني من نهاية الملف الأول لبدية الملف الثاني ,, من نهاية الملف الثاني لبداية الملف الثالث ,, من نهائية الملف الثالث لبداية الملف الأول

طبعا في شغلة هي فنية بالتوصيل
و هي يفضلوصل المثلثي في الجهود العالية للتخلص من أثر المدائيج
و يفضل الوصل النجمي في الجهود المنخفضة للتقليل من أثر عازلية الأسلاك و للحاجة الى التغذية الكهربائية (لوجود الخط الحيادي )

في عندنا كمان بالمحولات شي اسمو عامل التحويل (K)
اذا كان (K>1) كانت المحولة خافضة للجهد
اذا كان (K<1) كانت المحولة رافعة للجهد
اذا كان (K=1) كانت المحولة خاصّة
حيث K=V1/v2=I2/I1

ضل عنكن كم شغلة اساسية و حرام اتخربطو فيهون و هنن :
1-يتم وصل مقياس شدة التيار ( مقياس امبير ) عالتسلسل
2-مقياس أمبير مقاومته الداخلية صغيرة جدا و تسعى للصفر
3-يتم وصل مقياس الفولط على التفرع
4- مقياس الفولط مقاتومة الداخلية لمقياس الفولط كبيرة جدة و تسعى الى اللانهايّة
في حالة التوصيل النجمي ..( جهد خط=جذر٣ *جهد الطور)
5-جهد الخط ( بالحال العامة "يعني بخط النقل اللي منشوفو بالشارع" ) يساوي 380فولط
6-جهد الطور ( بالحال العامة ) يساوي 220 فولط
أمّا في حالة التوصيل المثلثي
7- يكون جهد خط يساوي جهد الطور و بالحالة العامة يساوي 380 فولط
8- فرق الجهد بين فازين يساوي 380
9-فرق الجهد بين الفاز و الخط الحيادي (النتر ) يساوي 220
طيب هلأ سؤال صغير ..
ليش فرق الجهد بين فازين يساوي 380 فولت و ما بساوي 440 فولت طالما فرق الجهد بين فاز و نتز هو 220 ؟؟؟
الجواب : لأنو هون المقادير هي شعاعية و ليست سلّمية
باعتبار أن كل موجة جيبية تمثل بشعاع فرنل يدور بسرعة متعلقة بالتردد
وطويلته هي القيمة العظمة
بأشعة وأجرينا عليهم عملية الطرح الشعاعي B و الطور A إذا مثلنا الطور
(الجمع مع الشعاع المعاكس) سوف نحصل على النتيجة المطلوبة
لاحظ أن الطرح عبارة عن شعاع يمثل موجة جيبية طويلتها اكبر بمقدار 3√ .
لاحظو المخطط الشعهاعي ( طبعا هو مو مطلوب بس هاد للي بدو يفهم شو عميصير :) )
2726

Loyal
03-28-2011, 02:00 PM
شكرا فطوم............
انا عندي المذاكرة بكرا ...........
ساعدووووووووووووووووووووني..........

smile
03-28-2011, 09:09 PM
اليوم أنا كانت مذاكرتي وهي الاسئله الي أجتنا :
1-ماهي دلالة كل من الرموز التاليه ؟
1-DCMA. تيار مستمر بواحدة الملي أمبير

2-ACA. تيار متناوب بواحدة الأمبير

3-NTC. مقاومه متغيره ذات معامل حراري سلبي تنقص قيمتها بازدياد درجةالحراره

4-LDR. مقاومة متغيره وتتغير فيمتها بتغغي كمية الضوؤ المسلط عليها

5-ptc. مقاومه تزداد بازدياد درجة الحراره

6_vdR. مقاومة تتغير بتغير الجهد المطبق عليها

2_ضع اشارة صح أو خطأ مع تصحيح الخطأ .
1_يوصل الخط الحامي والخط البارد إل قطبي المفتاح الكهربائي.(خطأ)يتصل الفاز(الخط الحامي)مع المفتاح فقط

2-المحوله الذاتيه الاتصال فيها يكون مغناطيسيا فقط.(خطأ)الاتصال فيها مغناطيسي وكهربائي

3-المحوله السيراميكيه مستقطبه.(خطأ)غير مستقطبه ,فالمكثفه الكيميائيه هي المكثفه الوحيده المستقطبه

4_يوصل مقياس فولط على التفرع لأنه يتميز بمقاموه صغيره.(خطأ)يوصل غلى التفرع لأن مقاومته كبيره

3-ارسم دارة تقويم نصف موجه.(من التجربه الرابعه)

4_ضع الوان الحلقات للمقاومات الكربونيه التاليه :
6300±20%
الأولى:أزرق

الثانيه:برتقالي

الثالثه:أحمر

الرابعه:بدون لون

0.65±5%
الحلقه الأولى:أزرق
الثانيه:أخضر
الثالثه:فضي
الرابعه:ذهبي
الأسئله الي مرت على الفئات الي قبلي:
أسئلة الدارات :
1_رسم دارة مصباح الفلورنيست.
2_رسم دارة عداد القدره أ-على التفرع .
ب-على التسلسل .
(يعني بشكل عام :rolleyes:ركزو على رسم كل الدارات بالتجارب الأربعه)
(فكرة الألوان بالمقاومات الكربونيه ركزوعليها كتييييييييير وافهموها واحفظو كل لون على شو بدل)
الرموز الموجوده متل السؤال الأول الي أجا حرام ماتعرفو تجاوبو عليه (متل ماصار معي )
كمان أجت أسئلة متل عرف:
المنابع التغذيه واذكر أنواعها.+الرسم
عرف عداد القدره الكهربائي واذكر مما يتألف
انشا اللله كون اقدرت أفيدكم بشي ولو بسيط :confused:
والله يوفقكم جميعا

simple
03-28-2011, 09:20 PM
بسم الله الرحمن الرحيم

أول شي الله يعطيك ألف عااافية أخ محمود ,, شكرا كتير

رح قلكن شو إجاني أسئلة :

1- ما وظيفة الملف الخانق و اشرح مبدأ عمل مصباح الفلوريسانت
2- ارسم دارة محولة موصولة نجمي مثلثي
3- ضع إشارة صح أو خطأ و صحح الخطأ

1- يتم تحديد صلاحية سلك ما عن طريق مقياس فولت
2- المكثفة تمرر التيار المستمر و تعيق التار المتناوب .
3- يتم وصل النتر و الفاز إلى المفتاح في حالة المفتاح المفرد
4- ( ماني متأكدة من حرفيتها بس أنا حطيتها صح و هي الوحيدة اللي طلعت معي صح مدري ليش ) بتقول :: نقوم بتضخيم أو تكبير التيار بواسطة المحولة الذاتية ( شي إلو علاقة بالتيار )

و هادا نموذج تاني حصلت عليه سمايل ونور 92 ^

1- عرف منابع التغذية و عدد أنواعها مع الرسم التوضيحي
2- عرف
*ptc
*vdr
*ptc
3- حددقيمة المقاومات الكربونية ( عاطينك ألوان ,, اللون الأول و التاني و التالث و الرابع ) و إنتو حددو ,, بالمناسبة قالو بيكتبو جدول قيم المقاومات عاللوح مشان ما تتعذبو و تحفظو أرقام الألوان , بس حفظتن ^
4- صح أوطأ مع التصحيح :
المفاتيح توصل مع الخط البارد

*المكثفات الورقية مستقطبه
*دارة نصف تقويم موجة تتألك من ديودين
*وصل المحوله على فراغ لقياس الجهد

5- ارسم دارة توضح مفتاح الفلوريسانت باستخدام مفتاح مفردة مع تسمية

و بالتوفيق للجمييع : ))) و كل حدا عندو نموذج لو ينزلو بنكون له من الشاكرين ^

بيسان
03-28-2011, 09:59 PM
شكرا كتير عتفاعلكم شي حلو كتير هلا انا مذاكرتي ليوم الاربعا وانشاء الله بلحقا ويا ريت كل الي قدو مذاكرات يحطو اسئلتن
شكلي مارح ادرس غير هالاسئلة بكفوني وزيادة

waseem kalaji
03-28-2011, 10:23 PM
المطلوب في مادة الورش الكهربائية

الجلسة الأولى : الدارات الكهربائية وأسس الإنارة الكهربائية
11-12-13-14-15-18-19-20-32-33-34-36-37-38-39

الجلسة الثانية : استخدام أجهزة القياس
(( 23-24 )) هالصفحتين من الجلسة الأولى
55-56-57-58-59-63-64

الجلسة الثالثة : تجربة المحولات
109-110-111-112-113-114-115-117-118-120-121

الجلسة الرابعة : العناصر الالكترونية
69-70-71-72-(73 حتى مجزئ فرق الكمون الكربوني )
75-78-79-80-81-83-( 89 من عند العناصر نصف الناقلة )
90-91-92-93-99 ( 101 فقط تعريف الدارات المتكاملة )

هي كانت معلقة على باب الورش وبعده شالوها ليش ما بعرف المهم وصلتني ولو وصلت متأخرة للبعض بس حبيت انزلها مشان اللي بدو يستفيد


والله يوفق الجميع

\\ دراسة \\\\ دراسة \\\\ دراسة \\\\ دراسة \\\\ دراسة \\

-ABDO HELAL-
03-28-2011, 10:51 PM
كل هل الشي صار وانا مالي خبر معععلش!!!!!!!!!!!!!!
شكراً لجميع المشاركين
وخصوصا فؤاد ومحمود

نووور
03-30-2011, 09:12 PM
هي أسئلة مذاكرتنا اليوم - نتمنى الفائدة :

السؤال الأول: قارن بين الملف الأولي والثانوي في المحولة الخافضة واكتب قانون أوم والمقاومة النوعية


السؤال الثاني : علل اثنين فقط:

1. اسوداد زجاجة مصباح التوهج مع مرور الزمن.
2. إضاءة الـled الموصول مع مقاومة ntc عند تقريب مصدر حراري منه.
3. طلاء سلك التنغستين في مصباح الفلوريسانت ببعض الأكاسيد.


السؤال الثالث : صح أو خطأ مع تصحيح الجملة الخاطئة:

1. تعتمد مقاومات vdr على تغير الجهد المطبق في الدارة.
2. يعمل الملف الخانق قبل الاشتعال كمقاومة محددة للتيار.
3. المكثف يقلل من قابلية مرور التيار الكهربائي.
4. للتقويم نوعان: تقويم موجة كاملة وتقويم نصف موجة.
5. تتألف المحولة ( أو عنصر تاني يمكن.. ما بذكر) من قاطع تفاضلي وقواطع آلية وقواطع فرعية.
6. تقوم المحولة بتقويم التيار الكهربائي (ما عم اتذكر حرفيتو بالضبط).


السؤال الرابع : إن أعظم تدريجة موجودة على مقياس الفولط هي 10 وأشار المؤشر إلى القيمة 5 .. فإذا كان مفتاح التدريجات موضوعاً على القيمة 250 فولط.. ما القيمة الحقيقة للجهد؟


السؤال الخامس: احسب المقاومة التالية ..

الألوان بالتسلسل كانت: بنفسجي - أخضر - أحمر - ذهبي.



وبس هيك.. الأسئلة بشكل عام كانت سهلة والحمد لله..

شكرا لكل اللي شارك بهالموضوع.. وشكرا لكل اللي ساعدنا..

waseem kalaji
03-30-2011, 09:26 PM
أما عن أسئلتي فكانت :
اولا : عرف ما يلي : منابع التغذية - مكثفات التتانيوم - محولات القياس - vdr
ثانيا : صح او خطأ وصحح الخطأ :
-يتم ربط المفتاح الكهربائي بالنتر والمصباح بالفاز
-المكثفات الكيميائية مستقطبة
-تحتوي دارة مقوم موجة كاملة على ثلاثة ديودات او اربع ديودات
- نسييييييييييتها للأسف

ثالثا : احسب قيمة المقاومة حسب الألوان
أخضر -أسود -برتقالي- ذهبي

رابعا : ارسم دارة مصباح الفلوريسنت بقاطع واحد

M@7M0uD
04-01-2011, 04:33 PM
شوفو أسئلتنا وانتو احكمو ......
س1: ارسم مصباح الفلوريسنت بواسطة مفتاح الدركسيون مع المسميات ع الرسمة وماهي وظيفة الملف الخانق ؟
س2: ماهي المحولة الذاتية وبماذا تختلف عن المحولة العادية موضحاً ذاك بالرسم ؟
س3: عرف عداد القدرة مع كتابة القانون بالتفصيل وكتابة المسميات عليه بالاضافة إلى الواحدة ؟
س4: عرف المكثف الكهربائي وعدد أنواع المكثفات (6مكثفات) مع شرح واحدة فقط ؟
وانتهت الأسئلة والحمدلله
والله كان السؤال ال2 عقبة في وجه الجميع ......
يعني ليش كل هاد ؟؟؟؟؟
والله حسبنا العلامة من 100 مو من10 !!!!!!!!
الحمدلله

AHmAD KhAtTaB
04-01-2011, 09:53 PM
شوفو أسئلتنا وانتو احكمو ......
س1: ارسم مصباح الفلوريسنت بواسطة مفتاح الدركسيون مع المسميات ع الرسمة وماهي وظيفة الملف الخانق ؟
س2: ماهي المحولة الذاتية وبماذا تختلف عن المحولة العادية موضحاً ذاك بالرسم ؟
س3: عرف عداد القدرة مع كتابة القانون بالتفصيل وكتابة المسميات عليه بالاضافة إلى الواحدة ؟
س4: عرف المكثف الكهربائي وعدد أنواع المكثفات (6مكثفات) مع شرح واحدة فقط ؟
وانتهت الأسئلة والحمدلله
والله كان السؤال ال2 عقبة في وجه الجميع ......
يعني ليش كل هاد ؟؟؟؟؟
والله حسبنا العلامة من 100 مو من10 !!!!!!!!
الحمدلله
الاسئلة عادية جدآ ... يعني للاقسام التانية اصعب يلي فيها علل وما علل ... بس هلأ التجارب يلي اخدناها بدنا نرجع ندرسها ولا راحت

simple
04-01-2011, 10:58 PM
س هلأ التجارب يلي اخدناها بدنا نرجع ندرسها ولا راحت

لا تنسى إنو في فحص ^

M@7M0uD
04-02-2011, 12:48 AM
الاسئلة عادية جدآ ... يعني للاقسام التانية اصعب يلي فيها علل وما علل ... بس هلأ التجارب يلي اخدناها بدنا نرجع ندرسها ولا راحت

اي والله انا بالنسبة إلي التعاليل أسهل من السؤال ال2
يلا الحمدلله مشي الحال
وبالنسبة للفحص بدك تروح ع التجارب كلها وتعملها وبيسألك عليها
يعني بدك ترجعلها
وبعدين انت مهندس كهرباء ولازم يكون هالشي من الأساسيات
موفق أحمد

Abd alR7man AlN3ssan
04-04-2011, 08:29 PM
الوووووووووووووووو
أيها الطلاب الأعزاء
بكراااااااا عندي الورش
إلي قدم المذاكرة يقلي شو اجا أسئلة لو سمحتو
يعني شلون نمطا لعل وعسى تكون نفس الأسئلة إلي اجتكن هي
إذا بدكن تساعدوني ها هعععععععع
تحياتي يلا أنا رايح أدرس شو بيطلع بوشي وبرجع بشوف أسئلة
ولو تسائلت عليكن شوي 2798

Aleppo Force
04-04-2011, 09:54 PM
إذا بدك بيحاول أعصر مخي شوي من شان أتذكر جمل الصح والخطأ
الشغلة المنيحة ما بدها سؤال:rolleyes:

وعبد الرحمن بس تخلص مذاكرتك بالسلامة ان شاء الله ، بدنا الأسئلة .
بصير الموضوع مرجع مهم للسنوات القادمة :)

Abd alR7man AlN3ssan
04-04-2011, 09:56 PM
إذا بدك بيحاول أعصر مخي شوي من شان أتذكر جمل الصح والخطأ

??????????
لسع عم تسألي 2800
2799
اي طبعا’’’ بدي
الله يعطيكي العافية

M@7M0uD
04-04-2011, 11:30 PM
اي الله يوفقك .....
والله نحن كانت أسئلتنا مدروسة وما فيها شلي !!!
ارجاع ع الصفحة السابقة وشوف أسئلتنا
ركز ع الرسمات

أثينا
04-05-2011, 12:02 AM
نداء إلى طلاب الاستاذ مصعب وخاصة فاااااطمة

يا جماعة بتتذكروا المذاكرة الأولى بالورش شو شكينا وبكينا ولازم نتعلم من هالتجربة لازم ندرس كل تجربة بتجربتها موهيك ؟؟؟وأنا جبت تلخيص التجربة 5 و6 مو من عندي طبعاً من عند الاستاذ والتلخيص في التجربة الخامسة بيكون :
في فقرة معلومات عامة أول أربعة أسطر من عند إن اللحام عبارة عن خليطة ....حتى (360-370)فهرنهايت
وهلأالسطر يلي بدي أكتبو احفظوه :
إذا نظرنا إلى بكرة اللحام فإننا سوف تجد الأرقام (40-50-60)أو(63%)وهي تدل على النسبة المئوية لنسبة القصدير إلى الرصاص
في صـــــــــــ133ـــ تقسيم عملية تكون وصلة اللحام بالكاوي إلى المراحل التالية :خمس تعدادات وبسسسسسسس
أما في تجربة الكونتاكتور فللأسف بس فقرة اختيار الكونتاكتور محذوف والباقي كله مطلوووووووب
وبشكر كل يلي ساعدنا بالمذاكرة الأولى وبقول بفضلكم جبت أعلى علامة بفئتي

Abd alR7man AlN3ssan
04-05-2011, 07:37 PM
اسألتي نفس أسئلة الحواسيب
ومشان ما تقولولي لأي فئة رح أرجع انزل الأسئلة

<FONT color=#ff0000>[QUOTE]<FONT color=#ff0000>السؤال الأول: قارن بين الملف الأولي والثانوي في المحولة الخافضة واكتب قانون أوم والمقاومة النوعية


السؤال الثاني : علل اثنين فقط:

1. اسوداد زجاجة مصباح التوهج مع مرور الزمن.
2. إضاءة الـled الموصول مع مقاومة ntc عند تقريب مصدر حراري منه.
3. طلاء سلك التنغستين في مصباح الفلوريسانت ببعض الأكاسيد.


السؤال الثالث : صح أو خطأ مع تصحيح الجملة الخاطئة:

1. تعتمد مقاومات vdr على تغير الجهد المطبق في الدارة.
2. يعمل الملف الخانق قبل الاشتعال كمقاومة محددة للتيار.
3. المكثف يقلل من قابلية مرور التيار الكهربائي.
4. للتقويم نوعان: تقويم موجة كاملة وتقويم نصف موجة.
5. تتألف المحولة ( أو عنصر تاني يمكن.. ما بذكر) من قاطع تفاضلي وقواطع آلية وقواطع فرعية.
6. تقوم المحولة بتقويم التيار الكهربائي (ما عم اتذكر حرفيتو بالضبط).


<FONT face=tahoma>السؤال الرابع : إن أعظم تدريجة موجودة على مقياس الفولط هي 10 وأشار المؤشر إلى القيمة 5 .. فإذا كان مفتاح التدريجات موضوعاً على القيمة 250 فولط.. ما القيمة الحقيقة للجهد؟

أثينا
04-11-2011, 07:02 PM
السلام عليكم ورحمة الله وبركاته

اليوم أخدنا التجربة السابعة بالورش (القاطع التفاضلي )وكالعادة إليكم التلخيص :
المطلوب من صـــــ25ـــــ حتى صــــ31ــــــــ وأهم فقرة لازم نركز عليها هي القواطع التفاضلية _قاطع التسريب الأرضي
والصفحتين (185_186)مطلوبين وخاصة سؤال :
ما الذي يسببه مرور التيار الكهربائي في جسم الإنسان ؟؟؟
وبالتوفيق للجميع.............

M@7M0uD
04-15-2011, 03:07 PM
الورش حاليا صفر عندي ولا كلمة عم أفهم ما عم أعرف طريقة دراسة المادة شو الحل يعني قراءة المادة ولا بصم ولا فهم ولا بأي طريقة
أنجدوني لانو بالمذاكرة عفست لشبعت لانو المعيد بحكي بحكي ما عم نعرف شو نفهم ولا نلخص ع الكتاب

ادرسي من الكتاب فقط
واحفظي التعاريف والتعدادات ووظائف الأجهزة والتجارب
وتفهمي طريقة توصيل التجارب لأني قال الاستاذ :
بدو يجيب بالفحص توصيل 4 تجارب فقط هيك قال
أنا محسبها ثقافة وعبحفظ بس والله ما اعرفت شو في بالكتاب لوقت المذاكرة
وتحفقظي جميع الرسمات يلي عمنرسمها
وانشالله بتجيبي علامة كويسة فيها

Aleppo Force
04-15-2011, 05:57 PM
ادرسي من الكتاب فقط
واحفظي التعاريف والتعدادات ووظائف الأجهزة والتجارب
وتفهمي طريقة توصيل التجارب لأني قال الاستاذ :
بدو يجيب بالفحص توصيل 4 تجارب فقط هيك قال
أنا محسبها ثقافة وعبحفظ بس والله ما اعرفت شو في بالكتاب لوقت المذاكرة
وتحفقظي جميع الرسمات يلي عمنرسمها
وانشالله بتجيبي علامة كويسة فيها
مممممممممممم
محاضرة الجاي إن شاء الله نحكي شوي عن الورش ، أصلا محمود من زمان بده يحكي عنها بس ما عبزيد وقت لأنكم بطيئين بالحل :)

أثينا
04-18-2011, 11:45 PM
اليوم رح نزل تلخيص آخر تجربة بالورش
بس للأسف التلخيص موعندي لانو متوفر بمركز التصوير وادرسوه لأنو كتيرررر مهم
وهلأ تقريباً خلصت هالمادة وبعد أسبوعين المذاكرة التانية مو والله بيوم المذاكرة نطلب مساعدات لازم من هلأ نبلش يعني كل يوم صفحة بتخلص معكن
وموفقين ....

AHmAD KhAtTaB
04-22-2011, 05:22 PM
شدو حالكم يا جماعة بدنا كل اسئلة المذاكرات التانية تنزل فورا .. لانو لازم ناخد فيها علامة كويسة بعد المذاكرة الاولى يلي كانت الاسئلة مو متوقعة

NOUR-92
04-27-2011, 11:21 PM
السلام عليكم:
مذاكرة الورش الاسبوع القادم..وفي توصيل للدارات..هي الدارات يللّي بالمخبر..بتمنى تستفيدو وتدعولناااااااااا...موفّقين.
صور للدّارات في مخبر الورش :
2940

2941

2942

2943

2944

2945

NOUR-92
04-27-2011, 11:27 PM
2949

أثينا
04-27-2011, 11:52 PM
يسلمووو ع الصور
بس عفواً أخت نور بالمذاكرة بيسألونا أسئلة نظري بالتجارب الأربعة الأخيرة
أما الإمتحان في توصيل أنا هيك بعرف
ومشان الإمتحان في تجربتين ما بدهن توصيل يعني رح يسألونا نظري وهل التجربتين هنن :
اللحام
التعرف ع العناصر الإلكترونية (دارة تقويم نصف موجة باستخدام ديودين _دارة تقويم موجة كاملة باستخدام ديودين )
بس رسم الدارة مهم يعني يمكن يجي (ارسم دارة تقويم موجة كاملة باستخدام ديودين ...)
أما بالنسبة لتجربة الحاسب فما بعرف القسم العملي يلي فيه (التوصيل )بس ياريت يلي بيعرف رجاءً يخبرنا
وبالنسبة للإمتحان رح نمر ع أربعة تجارب أو أكتر (حسب التجربة) وكل تجربة 12 علامة
(6 نظري و6 عملي *التوصيل *)
وموفقــين بالمذاكرات .....

محمود الباشا
04-27-2011, 11:56 PM
و هدول كمان صور ما اشبن شي واضحات بس صور التجارب موصّلاات :O

و اذا مو واضحات بكرا برفعلكن الصور الأساسيّات مع الملخص اللي عمينطبخ و عالأغلب بيستوي الجمعة المسا او السبت الصبح

رابط الموضوع : http://www.eeefaculty.com/forum/showthread.php?t=4024

simple
04-28-2011, 12:58 AM
يسسسسسسسسسلمن نور92 ,, تصوير واضح و جمييل , و المرة الجاية لو تصورولنا أو أنا رح حاول إن شاء الله قريييباً أصوّر اللوحات المعلقين عالحيطان بالمخبر ,, أمس تفتلت بالمخبر و طلعت عليهم , عنجد حلوين ,

موفقين و شدولنا الهمة , و مشان تجربة الحاسب ما في توصيل قالت الآنسة نظري فقط : )

NOUR-92
04-28-2011, 08:42 AM
صح صح..بالمذاكرة مافي توصيل..عالاغلب في رسم..يلاااااااااااااااا بسيطة..بكرا بصورلكن مخبر الورش لان عالاغلب رح ينقرض قريبااااا..خخخ..خلّوها ذكريااات أيام الطفولة..^_^..

محمود الباشا
04-28-2011, 11:11 PM
جاري تنزل تلخيص باقي الجلسات

محمود الباشا
04-29-2011, 12:36 AM
تجربة اللحام ..
اللحام اول الشي هو عبارة عن خليطة مكونة بشكل أساسي من الؤصاص و القصدير قابلة للانصهار و ممكن اضافة مواد لمادة اللحام مثل البيزموت او الانتيمون تؤدي لتحسين خواص مادة اللحام
درجة ذوبان مادة اللحام ( 360-370) فهرنهايت
الرقم الموجود على بكرة مادة اللحام تعطى للدلالة على النسبة المئوية للقصدير على الرصاص
مثل : 40 <<< نسبة القصدير الى الرصاص 40%
أو 50 <<< نسبة القصدير الى الرصاص 50%
ان ازدياد نسبة القصدير تؤدي الى انخفاض درجة انصهار مادة القصدير
المذيب الفعال : معظم مواد اللحام فيها أكاسيد
هالأكاسيد وظيفتا ضمان اتصال المعدن بالمعدن لأنها وقت بتنحط عالمعدن يتشيل شوفي أكسدة و بعد ما تبرد مادة اللحام بتتوضع فوق سطح وصلة اللحام
طبعا وظيفة المذيب الفعال هي حماية السطوح الموصلة من التأكسد اللي ممكن يصير عند تعريض المعدن لدرجات حرارة مرتفعة :)
مذيبات اللحام :
هي تلات أنواع :1- حمض عضوي أو الكلوريد .
2-مذيب عضوي .
3-الراتنج و هي مادة صمغية ( الوحيد المستخدم في الصناعات الالكترونية ) .

المراحل الأساسية لعملية اللحام :


تسخين معدن وصلة اللحام الى درجة قريبة من درجة انصهار مادة اللحام
انصهار مادة اللحام
انتشار مادة اللحام في الحالة السائلة على سطح المعدن الصلب
الذوبان الجزئي لمعدن الأجزاء الملحومة عند وصلة اللحام
و أخيرا برود و تبلور مادة اللحام

التجربة العملية حسب ما بذكر التجربة العملية انكن لحمتو بايديكن دارة تنظيم جهد و قصّلت عنها انا اليوم
كل ديودين متقابلين بيشغلو بوقت واحد و بعد وصلة المكثفات على التفرّع بتترشّح الاشارة
و بعد منظم الجهد بتصير الأشارة مستمرة بشكل كامل
( رح حاول ارسم الاشارة عالماتلاب و فرجيكن ياهون )
وظيفة المقاومة قبل الديود هي تخقيض فرق الجهد على طرفي الديود
وظيفة المكثفات هي ترشيح التيار
ثنائي زينر عندما يوصل بالشكل المباشر فانه يمرر تيار و كأنة سلك
اما عندما يوصل باتجاه العكسي فانه يعمل كمنظم جهد اذا تجاوز الجهد الأسمي لثنائي زينر
مثل : ثنائي زينر جهده الأسمي 5v اذا طبقنا فرق جهد بالتجاه العكسي لثنائي الزينر قيمته 4v فإنه لا يمرر تيار
اما اذا طبقنا فرق جهد قيمته 5v فانه يمرر تيار
اما اذا طبقنا فرق جهد قيمته 6v فانه يمرر تيار و يعمل بهذه الحالة كمنظّم جهد

Aleppo Force
04-29-2011, 12:47 AM
مثل : ثنائي زينر جهده الأسمي 5v اذا طبقنا فرق جهد بالتجاه العكسي لثنائي الزينر قيمته 4v فإنه لا يمرر تيار
اما اذا طبقنا فرق جهد قيمته 5v فانه يمرر تيار
اما اذا طبقنا فرق جهد قيمته 6v فانه يمرر تيار و يعمل بهذه الحالة كمنظّم جهد

كيف يكون زينر منظم جهد ؟؟؟؟؟؟؟؟
ثنائي زينر مدام هو بمنطقة التثبيت (محيز عكسيا بكمون أعلى من كمونه الاسمي العكسي) ، يكافأ بمنبع جهد مثالي ، جاعلا جهد النقطة التي يوصل بها ثابتة متل ما أخدتوا بالأسس (بس للتوضيح :) )

محمود الباشا
04-29-2011, 12:48 AM
كيف يكون زينر منظم جهد ؟؟؟؟؟؟؟؟
ثنائي زينر مدام هو بمنطقة التثبيت (محيز عكسيا بكمون أعلى من كمونه الاسمي العكسي) ، يكافأ بمنبع جهد مثالي ، جاعلا جهد النقطة التي يوصل بها ثابتة متل ما أخدتوا بالأسس (بس للتوضيح :) )

موجود التأكيد عكلامي بالصفحة 90
بفقرة ثنائي تنظيم الجهد


جلسة الكونتاكتور
الكونتاكتور تعريفاً :
جهاز وصل و فصل كهروميكانيكي يتم التحكم فيه عن بعد من اجل وصل و فصل دارة التغذية بشكل متكرر
و تتم هذه العملية عن طريق التحكم بوشيعة مغناطيسية (بوبين ) و عند مرور تيار بهذه الوشيعة فان الكونتاكتور يغلق تماساته
طبعا يوجد تماسات مفتوحة طبيعيا و يوجد ملفات مغلقة طبيعيا
بالحالة الأولى و عند مرور تيار فان التماسات تغلق و في الحالة الثانية فان التماسات عند مرور التيار الكهربائي تفتح

متطلبات و مزايا الكونتاكتور احفظوها بصم موجودات بالصفحة 147-148

و باقي التجربة اقرأوها من الكتاب واضحة و مافيا أي غموض و أي سؤال نحنا جاهزين

M@7M0uD
04-29-2011, 01:09 AM
بدي أسألكن إذا ممكن طبعاً
تجربة الحاسب شلون بتجي ما هضمتها أبدا
هلأ النظري بنحفظ لكن العملي ما اعرفت شي
ورجانا اللوحة وتم يحكي وما حدا فهم !!!!
شلون بيجي بالعملي ؟
وشكراً

أثينا
04-29-2011, 01:16 AM
بدي أسألكن إذا ممكن طبعاً
تجربة الحاسب شلون بتجي ما هضمتها أبدا
هلأ النظري بنحفظ لكن العملي ما اعرفت شي
ورجانا اللوحة وتم يحكي وما حدا فهم !!!!
شلون بيجي بالعملي ؟
وشكراً

مشان تجربة الحاسب عملي نحن ما وصلنا شي وحد علمي كلها نظري بس مو نحن بمخبر البرمجة علمونا كيف بنركب المعالج و....على لوحة الأم بعتقد أنو بس بمخبر البرمجة رح يسألونا عن هاد الشي أما بمخبر الورش فما في شي عملي لأنو سألنا الأستاذوقال ما في عملي
فتوكلوا ع الله وادرسوا النظري فقط لأنو النظري لحالو 10 صفحات
بالتوفيق ....

محمود الباشا
04-29-2011, 01:31 AM
جلسة التعرّف على الحاسب
هالجلسة كلها نظرية تقريباً
رح احكي عالشغلات لهامة بس انتو اقرأوها كلها و ركزوا عليها كلها ولو من باب الثقافة العامة :)
وحدة المعالجة تتكوّن من :


وحدة الادخال و الاخراج : تربط بين المعالج و بين بقية الدارات بالحاسب

وحدة التحكم وظيفتها التحكم : وظيفتها التحكم بعمل جميع أقسام المعالج و هي تقوم بفك شيفرة التعليمة القادمة من iou و ترسلها إلى alu

وحدة الحساب و المنطق و تقوم بتنفيذ جميع العمليات الحسابية و المنطقية و اخراج الناتج الى iou

المقارنة بين ذاكرتي الـ rom و الـ ram ( كتييييييير هاااام ) صفحة 170
وظيفة الـ bios ( كمااان ااامة جداً كثيراً ) صقحة 182

Aleppo Force
04-29-2011, 01:48 AM
بجلسة الحاسب بيسألوكم عالقطع ، (الجسر الشمالي والجسر الجنوبي ......... إلخ ) لازم تعرفوهم و أكيد مع شوية نظري .

M@7M0uD
04-29-2011, 01:50 AM
مشان تجربة الحاسب عملي نحن ما وصلنا شي وحد علمي كلها نظري بس مو نحن بمخبر البرمجة علمونا كيف بنركب المعالج و....على لوحة الأم بعتقد أنو بس بمخبر البرمجة رح يسألونا عن هاد الشي أما بمخبر الورش فما في شي عملي لأنو سألنا الأستاذوقال ما في عملي
فتوكلوا ع الله وادرسوا النظري فقط لأنو النظري لحالو 10 صفحات
بالتوفيق ....


انا المشكلة مخبري البرمجة يوم الأحد
واجو 3 أسابيع أحد ورا بعض عطلة ما شاء الله
فقالتنا الآنسة بتاخدو جلسة الحاسب بالورش وبتدرسوها للبرمجة والحاسب
وانا بالورش ما افمت القطع
خلص رح أركز ع النظري وأمري لله

M@7M0uD
04-29-2011, 01:51 AM
بجلسة الحاسب بيسألوكم عالقطع ، (الجسر الشمالي والجسر الجنوبي ......... إلخ ) لازم تعرفوهم و أكيد مع شوية نظري .


وهدول شلون بعرفن ؟؟؟
وين موجودين مثلاً ؟؟

Aleppo Force
04-29-2011, 01:58 AM
وهدول شلون بعرفن ؟؟؟
وين موجودين مثلاً ؟؟
بشوفك بالكلية إن شاء الله :)

simple
04-29-2011, 02:23 AM
وهدول شلون بعرفن ؟؟؟
وين موجودين مثلاً ؟؟

كتير حبيت تجربة الحاسب لأنو أخيراً أخدنا شي إلو علاقة بقسمنا : (

هلأ هيي الصورة ,, السهم الأخضر عم يشير للجسر الشمالي و الأحمر للجنوبي
http://www.4shared.com/photo/xs_U2Opf/1621.html

بسألو شو وظيفتهن ؟؟ الجسر الشمالي وظيفته على مااا أذكر , ربط المعالج و الذاكرة و منافذ AGp , Pci Express
و الجنوبي بيتصل بالمعالج عن طريق السر الشمالي
و كمان الجنوبي بيرتبط مع الـ Pci , sata , Usb , IDE

و عفكرة بمخبر الورش جنب اللوح عاليساار في لوحة فيها الماذربورد و فيها تسمية كل القطع ,, عجبتني و إن شاء الله الأثنين بصورها و بنزلها ..
و كتييييييير أكدت آنستنا على البيوس bios و السيموس ..

محمود الباشا
04-29-2011, 02:43 AM
الجلسة الأخيرة .. الاعطال المنزلية و الحمايات الكهربائية

في عنا نوعين من الاعطال الكهربائيّة:


قصر الدارة الكهربائيّة : اي توصيل خاطئ بين الأسلاك أو اجزاء من الدارة الناقلة للتيار بتأدي لأخطار جسيمة

زيادة الحمل : يعني الحمل بيسحب تيار أكبر من تيارات القواطع المسحوبة


أهم القواطع المستخدمة :


القاطع الآلي :

سمي بذلك لأن الحركة به ليست يدوية , اوسع ادوات الحماية انتشاراً و بيتميّز بقدرته العالية على تحمل الاجهاداتالكهرباية و الميكانيكية الناتجة عن وصل و فصل التغذية ,, بيحتوي هالنوع من القواطع حماية حرارية و أخرى مغناطيسية

عندما نستخدم هذا النوع من القواطع يجب علينا تمييز ما يلي :
استطاعة القاطع : تحديد قيمة الدارة القصيرة دون تلف الحمايات ( تيار الدارة القصيرة يعني قيمة التيار عند قصر القاطع :) )
العيار الحراري : قيمة عيار الحماية الحرارية للقاطع
العيار الغناطيسي : قيمة عيار الحماية المغناطيسية للقاطع


القاطع السكّيني :

عبارة عن قواطع بسيطة عشكل حرف السكين تستخدم بالمنازل لفصل التغذية الكهربائية


الديجينكتور :


و هو قاطع حراري مغناطيسي


الفيوزات :


تستخدم لحماية الدارات الكهربائية و التجهيزات عند الحمل الزائد و دارات القصر
و هي عبارة عن سلك ينصهر عند مرور تيار معيّن به
مقارنة بين القواطع الآلية و المنصهرات :
القواطع الآلية..:


تمكن من فتح و اغلاق الدارة في الشروط الاعتيادية و الطبيعية و حين حدوث الأعطال
يمكن ضط زمن عملها اما بصورة مباشرة او بواسطة الريلييات
تعمل كهربائيّا ( لذلك تستخدم للتحكم الآلي أو للتحكم عن بعد )
لا تتأثّر كثيراً بدرجة الحرارة المحيطة
تصنع بمدى واسع من الاستطاعة

اما المنصهرات ..:


تكاليفها الأولية صغيرة
سريعة العمل
تحد من تيار الدارة القصيرة ( من وجود قصر بالدارة )

تركيبها الميكانيكي بسيط



القواطع التفاضلية :

و تستخدم لحماية جسم الأنسان ضد أخطار التكهرب و الناشئة عن مرور تيارات التسرّب الأرضي التي لا يمكن كشفها بواسطة قواطع حماية زيادة التيار كمان انه يقدم حماية أعلى من التي تؤمنها طريقة التأريض المباشر :)
ميزات القواطع التفاضلية :


التيار الأسمي : هو التيار الاسمي لتماسات القواطع و يعني ان القاطع المناسب للحمل و التي يحميها في الأحوال الطبيعية ( القاطع ذو التيار الأسمي 25 a لا يناسب مجموعة احمال منزلية 30 a )
تيار الخطأ ( نيار التسريب ) و هو أقل فرق بين تيّار الطور أو الأطوار و الحيادي و اللي بأدي لفصل التيار

عدد الأقطاب : و هي 2 للقاطع احادي الطور و 4 للقاطع ثلاثي الطور
استطاعة القطع : و هي اكبر تيار يستطيع الفاصل فصله دون أن يسبب مروره التصاقاً في تماات القطع




و أخيرا التأريض : و هو عبارة عن ربط النقطة الحيادية بالمحولات و مجموعات التوليد بالأرض و يهدف الى




المحافظة على نظام التوزيع من ارتفاع توتر الشبكة بالنسبة للأرض ارتفاعا لا يتجاوز توتر العمل
حماية الأنسان و الحيوان من التكهرب و حماية المنشئلت من الحرايق


و فيما يلي الفرق بين القاطع التفاضلي و الكونتاكتور ( بقلم مدير الموقع : عبادة سيجة )





الكونتاكتور أداة كهربائية تعتمد على الحقل التحريضي المتولد من التيار المار عبرها في وصل وفصل الدارة الكهربائية، فعند فصل التيار تتباعد التماسات، ولوصل التيار مرة أخرى نقوم بتمرير التيار عبرها يدويا (ضغط زر) فتغلق التماسات وعندما نترك الزر فإن التماسات تبقى مغلقة بدون أن نتدخل نتيجة تأثير التيار المار بها...

أما بالنسبة للقاطع التفاضلي، فما أظن اله علاقة بالكوناكتور، والشي الوحيد يلي بيتشابهوا فيه هو انو التنين فيهم تماسات بتعتمد على الحقول للتحكم فيا.....
بس الكونتاكتور هو وسيلة للتحكم وقيادة الآلات، أما القاطع التفاضلي فهو وسيلة لحماية البشر من التكهرب ...

القاطع التفاضلي حساس للتسرب بالتيار، يعني التيار معروف انه بيطلع من الفاز وبروح عالنتر ... والقاطع التفاضلي بكل لحظة بقارن كمية التيار الجاي من الفاز وكمية التيار يلي عم يروح للنتر، ولما بيتكهرب الانسان بمر تيار من جسمه للأرض وبالتالي في قسم من التيار يلي جاي من الفاز ما عم يرجع للنتر وإنما عم يتسرب بالأرض ... فإذا كان هالتيار بيساوي التيار يلي معير عليه القاطع التفاضلي فبيفصل كهربة البيت...

طبعا المقارنة عم تتم بالطريقة التالية،
في حقلين عم يأثروا عالتماسات، حقل لتيار الفاز وتاني للنتر، هدل الحقلين مزبطين بحيث يكون تأثير الأول عكس التاني والتماس بيناتهم، ولما الحقلين بيكونوا متساويين بيعدموا بعضن وبيكون التماس بوضع توازن ووصل للتيار...
أما لما بينقص الخرج عن الدخل بسبب التسرب بالأرض فالحقلين ما بيتساوا وبالتالي التماس رح يتحرك بعيد عن التوازن والوصل ... وتطفي الكهربا ...
بالنسبة لدارته فيكم تشوفوها بنوطة الورش ... موضح كل كلامي فيها..

حسب ما درسنا هالسنة بالأمن الصناعي انو التيار يلي بضر الإنسان في حال مر فيه هو حوالي 20 ميلي أمبير لذلك بتجي القواطع التفاضلية معيرة انو تفصل في حال تسربات من 20 لل 30 ميلي أمبير للمنازل...



و هيك بيكونو خلصوا الجلسات و أي سؤال نحنا جازين
و انا كلما بتخطرلي فكرة رح نزلها :)

M@7M0uD
04-29-2011, 02:47 AM
شكراً جزيلاً للكل
ونحن بس يخطر عبالنا ندرس اقصدي نسأل انتو جاهزين انشالله
بالتوفييييييق للكل
واانشالله الكل بقدم بشكل كويس وطبعاً لاتنسوا تنزلوا أسئلة المذاكرة بعد التقديم بنجاح
وشكراً
ويعطيكن ألف عافية أخ محمود وفؤاد وأخت فاطمة

شام
04-29-2011, 12:35 PM
جلسة الحاسوب في الورش بدنا ندرس كل النظري لأنو في كتير شغلات الآنسة ما شرحتن في المخبر

أثينا
04-29-2011, 12:46 PM
جلسة الحاسوب في الورش بدنا ندرس كل النظري لأنو في كتير شغلات الآنسة ما شرحتن في المخبر

يااااااا جماعة جلسة الحاسوب موجودة بمركز التصوير فقط يلي بالوراق بدهن دراسة أنا سألت تقريباً كل أساتذة الورش وقالولي جلسة الحاسب بالذات من الملخص :o:o
آآآآآه صحيح يا جماعة الخير آنسة مخبر البرمجة عندها فيديو (صوت وصورة )تركيب القطع على لوحة الأم يلي بدو ياهن أنا بجبلو اياهن أو فيكن من عند الأنسة تاخدوهن ..........ورح تستفيدوا منن
يلاااااااا إلى الدراسة ...حاج تلهاية :(:(

snow-white
05-01-2011, 01:53 PM
هي جلسة الحاسوب من النوطة الي درسناها

http://dc16.arabsh.com/i/02926/uiyvqgj187ne.jpg (http://dc16.arabsh.com/i/02926/uiyvqgj187ne.jpg)
http://dc17.arabsh.com/i/02926/ci9b93wwxiep.jpg (http://dc17.arabsh.com/i/02926/ci9b93wwxiep.jpg)
http://dc16.arabsh.com/i/02926/eb7c2pgcwbud.jpg (http://dc16.arabsh.com/i/02926/eb7c2pgcwbud.jpg)
http://dc16.arabsh.com/i/02926/zkd2vrsfggtm.jpg (http://dc16.arabsh.com/i/02926/zkd2vrsfggtm.jpg)
http://dc16.arabsh.com/i/02926/94zy2w0m2veg.jpg (http://dc16.arabsh.com/i/02926/94zy2w0m2veg.jpg)
http://dc12.arabsh.com/i/02926/7b3ixwl5qz7c.jpg (http://dc12.arabsh.com/i/02926/7b3ixwl5qz7c.jpg)
http://dc12.arabsh.com/i/02926/t57stkn0qu7b.jpg (http://dc12.arabsh.com/i/02926/t57stkn0qu7b.jpg)
http://dc12.arabsh.com/i/02926/4o0epw58940s.jpg (http://dc12.arabsh.com/i/02926/4o0epw58940s.jpg)
http://dc12.arabsh.com/i/02926/2mopw4tp8673.jpg (http://dc12.arabsh.com/i/02926/2mopw4tp8673.jpg)
http://dc12.arabsh.com/i/02926/9op6ovcknadw.jpg (http://dc12.arabsh.com/i/02926/9op6ovcknadw.jpg)
http://dc17.arabsh.com/i/02926/4cqonm5pam84.jpg (http://dc17.arabsh.com/i/02926/4cqonm5pam84.jpg)

أثينا
05-02-2011, 07:21 PM
السلام عليكم ورحمة الله وبركاته :
هي أسئة المذاكرة التانية لهل المادة :

1. عرف اللحام ؟ واذكر مراحل تكون وصلة الكاوي ؟
2. ما هو مبدأ عمل القاطع التفاضلي ؟ ولماذا يستخدم ؟وما هو قيمة تيار التسريب الذي يفصل عنده القاطع ؟
3. ارسم دارة القيادة (التحكم) لتشغيل محرك ثلاثي الطور باستخدام الكونتاكتور مع موقت زمني وعلل وصل التماسين (13_14) ع التفرع مع start ؟
4. أجب بصح أو خطأ وصحح الإجابة الخاطئة :
أ‌- إن تردد المعالج يقاس بوحدGHZ
ب‌- إن واحدة سعة التخزين هي ميغابايت
ت‌- تعد CIMOS من الذاكرة ROM
أنا أسفة بس الأخيرة ما تذكرتها بس سهلة جدا ًإن شا الله يلي قدموا تكون علاماتهم منيحة أما يلي ما قدمو فبقول بالتوفيق للجميع ......

Abd alR7man AlN3ssan
05-03-2011, 09:22 PM
السلام عليكم
هي أسئلة إلي اجتنا بس ما حدا يقرب عليهن ابدا
لأنو مارح يجي ولا سؤال منن بس اطلعو عليهن السبب
بخطابي بعد قليل هعععععععععععع

الأسئلة:
أجب عن 3 من الأسئلة الآتية:
1-عدد أجزاء الكونتاكتور.
2-عدد اثنين من مذيبات اللحام.
3-اشرح مبدأ عمل القاطع التفاضلي.
4-اكتب قراءة القاطع 15 k amp
و 16 amp على ........ مابعرف شو كمان لأنو ماحليتو هععع

- صح وخطأ مع التصحيح ها ;)
1-انواع ما اللحام صلبة ورخوة؟
2-القاطع السكيني يحمي الأنسان من التكهرب؟
3-الفاصمة (fuse)مزدوجة حراريا؟
4-الماسحة الضوئية اداة ادخال؟
5-ماعم اتذكر؟
6-ماعم اتذكر؟
7-ماعم اتذكر؟ هعععععع:p
تعليل: في تنين واحد منن حذفتو الأنسة
1-لماذا التماسات 13-14في الكونتكتور مفتوح طبيعيا؟
2-القاطع (الألي.الكهرومغناطيس.اليكانيكي مدري اي واحد من هدول)
ليس حراري مغناطيسي؟
التعليل التاني محذوف لذلك ماعم اتذكرو عل سوا
فورا شخطت عليه قلت للكب ;);)
وفي احتمال تاني انو هل فقرة بعمري ما قريتا هعععع
السؤال الرابع:
هوي كان رموز للحاسوب بالانكليزي ram, rom, >>>>>>>>
ونحن بدنا نكتب المعنى بالعربي
باعتبار هاد اختصار الحاسباتجية واعتبار اول مذارة ما اجتنا رسمة
تم تحويل السؤال إلي
ارسم دارة الجهد مع ريليه؟
وفي النهاية السلام موفقين جميعا

waseem kalaji
05-04-2011, 01:54 AM
هلق خلاصة الكلام رسمات الكونتاكتور بيجو رسم ؟؟؟؟؟؟؟؟؟؟؟؟؟؟

أثينا
05-04-2011, 01:57 AM
هلق خلاصة الكلام رسمات الكونتاكتور بيجو رسم ؟؟؟؟؟؟؟؟؟؟؟؟؟؟
إذا قصدك دااارة التحكم ودااارة القدرة بيجي رسم لأنو نحن أجانا رسم دارة التحكم
بالتوفيق بالمذاااكرة ....وإن شا الله الكل بكرا ياخد علااامة منيحة .......

waseem kalaji
05-04-2011, 02:02 AM
إذا قصدك دااارة التحكم ودااارة القدرة بيجي رسم لأنو نحن أجانا رسم دارة التحكم
بالتوفيق بالمذاااكرة ....وإن شا الله الكل بكرا ياخد علااامة منيحة .......

أبووووووووووو معناها الحكاية بدها همة ,,,,,,,,,, سمعوا على هالكلام كأنو لسع معي شي عشر أيام كل البقيان كم ساعة
مشكورة أخت أثينا

M@7M0uD
05-04-2011, 02:06 AM
هي أسئلة إلي اجتنا بس ما حدا يقرب عليهن ابدا
لأنو مارح يجي ولا سؤال منن بس اطلعو عليهن السبب
بخطابي بعد قليل

وانت شو عرفك ؟؟؟
ليكون انت يلي عبتحط الأسئلة ومالي خبر

waseem kalaji
05-04-2011, 02:08 AM
وانت شو عرفك ؟؟؟
ليكون انت يلي عبتحط الأسئلة ومالي خبر
على حسب ما سمعت منو هالأسئلة بالذات انشمست

M@7M0uD
05-04-2011, 02:08 AM
يلا أخ وسيم شد الهمة
سعي دارت التحكم والقدرة هنن أصعب رسمتين لكن انت قدها وقدود انشالله
بالتوفيق وانشالله بتاخد 10 من 10

Abd alR7man AlN3ssan
05-04-2011, 02:31 AM
وانت شو عرفك ؟؟؟
ليكون انت يلي عبتحط الأسئلة ومالي خبر
انت ياعم تتزاكى ياعم تتزاكى
ولا كأنو قلتلك شو صار معي ما
ويمكن تكون في فئة وحدة نفس الأسئلة
او جزء من هدول الأسئلة
بس انا حكيت شو صار معي اليوم بمجلس الأعضاء
بس صار يعلق وطلع الماتش مابقى الحق
لذلك بس احكي عريف ليش مو نفس الأسئلة بتجي
وشو مشان كأنو هون صار مجلس أعضاء كمان؟؟؟؟؟؟

waseem kalaji
05-04-2011, 06:24 PM
أما عنا أسئلة فئي واللي أعتقد أنها أصعب أسئلة بس الحمد لله حليتها مع بعض التخبيصات الصغيرة جداً :
1 - عرف اللحام واذكر طرق تكون اللحام
2 - قارن بي التماسات اللمساعدة والتماسات الرئيسية من حيت الرقم بالرسم قبل وصل الكونتاكتور ويعد وصله
3 - ارسم دارة القاطع التفاضلي مع ريليه
4 - عدد خمسة من مكونات لوحة الأم


هلق لا حدا يقلي سهلة ومي وما بعرف شو أنا عم قول أصعب من غيرها لأنو عنجد ما سمعت سؤال أصعب من هيك من رفقاتي اللي قدموا

نووور
05-04-2011, 07:14 PM
هي أسئلة فئتنا. حبيت أشارك فيها للفائدة..


السؤال الأول : اجب عن ثلاثة أسئلة :


1. ما هو مبدأ عمل القاطع التفاضلي؟
2. عدد وظيفتين من وظائف المذيب الفعال.
3. عدد نوعين من أنواع التماسات المساعدة مع إعطاء الأمثلة لكل منهما.
4. شي سؤال فيو 16 و16 Kv يمكن هيك شي.. (بس مو متذكرة حرفيتو بالضبط.... بكل الأحوال موجود بالكتاب)


السؤال التاني : صح أو خطأ مع تصحيح الخطأ :


1. إن التماس 95-96 يكون مغلق في الحالة الطبيعية بالكونتاكتور
2. إن ذاكرة الـ ROM هي نفسها الـ BIOS
3. إن التيار الاسمي للحماية هو أكبر من تيار المحرك
4. إن القاطع السكيني هو قاطع حراري مغناطيسي
5. إن الرصاص هو المادة التي تجعل درجة انصهار اللحام أقل.
6. الراتنج هو من أحد المذيبات الفعالة المستخدمة في اللحام.


السؤال التالت :


عدد أنواع الـ BIOS وللي ما عرفوه حطولنا سؤال تاني : ما هي الكلمات التي تدل عليها الاختصارات : RAM - CPU - BIOS


السؤال الرابع : ارسم دارة القاطع التفاضلي مع الريليه.


سهلة.... ما كتير صعبة :)

شام
05-04-2011, 07:32 PM
كان السؤال الأول رقم (4) هو : قاطع آلي مكتوب عليه 16aو 16kv على ماذا يدل الرقمين ؟
على ما أعتقد تقريباً هيك كان السؤال .
معك حق نور الأسئلة ما كانت صعبة كتير بس بها لازم نقرأ السؤال للآخر خصوصاً أول جملة من السؤال الثاني .

M@7M0uD
05-06-2011, 01:01 AM
هي أسئلتنا والله يخلصنا من هالمادة على خير انشالله

س1 :عدد أجزاء الكونتاكتور وتحدث عن التماسات المساعدة (التحكم) ؟
س2 :قارن بي القاطع الآلي والمنصهرة من حيث ألية العمل ومساوىء ومزايا كل منهما ؟
س3 :عرف عملية اللحام وماوظيفة المذيب الفعال ؟
س4 :أجب بكلمة صح أو خطأ مع تصحيح الاجابة الخاطئة طبعاً :
1) الذاكرة السريعة هي نوع من الذواكر الستاتيكية وموجودة بين الجسر الشمالي والجسر الجنوبي
2) سرعة السواقة الليزرية هي 100 ميغا
3) لمس المكثفات باليد يؤدي إلى تفريغ شحنتها بجسم الانسان
4) برنامج التحميل loader يستخدم لبدء نقل ملفات نظام التشغيل من القرص إلى الذاكرة ROM

......................
ووبحب أشكر الأستاذ فراس
وأحلى وردة

أثينا
05-16-2011, 06:12 PM
السلام عليكم ورحمة الله وبركاته


اليوم كان في امتحان ورش وطبعاً حضرت رغم أنو ما كان عندي وهذا بفضل الله وبفضل الأستاذ مصعب يلي خلاني أحضر


الأجواء عنجد حلوة والله هالأساتذة عم بيساعدو الطلاب الله يجزيهم الخير .........


وطبعاً أنا قدرت أسرق كم سؤال احتمااااااال يتكرروا :


تجربة الحاسب :التعرف على أجزاء لوحة الأم (هدا كتيرررر مهم مهم جداً جداً جداً) وأين تتوضع ؟؟؟؟؟طبعاً مع لمحة بسيطة عنن


طبعاً ما لازم ننسى التوصيل لأنو أغلب العلامات عليه :D:D


ما هو مبدأ عمل مصبااح فلوريسنت (طبعاً هاد نظري يعني شرح )


وظيفة الملف الخااااااانق ؟؟؟؟؟


ما الفرق بين الدركسيون والقاااااطع العادي ؟؟؟؟؟


يعني هيك أسئلة بتجي والله ما قدرت أجيب غير هدول:(:( لأنو كنت متل الصحفية وكنت عم بتطفل ع هاد وهاد


(الله يصلحنا أحسن الشي ):o:o


بس عنجد الأجوااااااااء ما بتخوف بنوب والأساتذة كان وجهن ضحوك (عقبااااال ما يضلو هيك لحتى ما نخلص نحنا )


وبالتوفيــــــــــق للكل..............

waseem kalaji
05-18-2011, 06:54 PM
اليوم قدمت امتحان الورش و أجاني التجارب الأربعة :
هلق من التجربة الأولى القاطع التفاضلي بيسألوا التالي : ما وظيفة القاطع التفاضلي و الريليه الحرارية مممممم و على ما اذكر ما ذا يحدث عند تولد الحقل المغناطيسي أو هيك شي

و من التجربة الثانية مصباح الفلوريسنت بيسألوا : ما ماذا يحصل إذا بدلنا بين الفاز و النتر / ما وظيفة الملف الخانق و بادئ الإضاءة / ماذا يحوي المصباح و ما وظيفة الغاز الذي بداخله

ومن التجربة الثالثة التعرف على العناصر الالكترونية (( الله لا يعلقكم فيها )) لأنها كلها نظري و أسئلة بينكشوها من تحت أظافرهم بيسألوا : ما أنواع المكثفات / من يجب أن تكون نسبته أكبر الرصاص أم القصدير في اللحام و لماذا / في كمان الدارة اللي اشتغلناها باللحام أثناء السنة موجودة بس بيسألوا على عناصرها شو هنن / و أنتوا بشكل عام خلوا عينكم عاللوحة لأني كتير بيسأل عن أسماء عناصر بتكون موجودة عليها :p بس انتبهوا في كتار متشابهات بالشكل الخارجي

و أخيراً التجربة الرابعة الحاسب واللي نحن مضروبين بحجرة كبيرة و قال حاسبات أي خلت الآنسة شي ما سألتني إياه من لوحة الأم للقطع لتفصيلات القطع لبرامج القطع ووووووووو ولو ما في حدا وراي ما يمكن ما بتتركني لأصمم لوحة أم لحالي قال من مبدأ "عيب علي أنا حاسبات " .......... بس عنجد بالحاسب أحلى اختبار بتحس حالك شغلة و أنت عم تجاوب و تدخل الأساتذة بالحيط من كلامك السريع
صحيح إني طولت الحكي بس حبيت أوضح مشان اللي ما فحص بكرا لأنو بكرا نفس التجارب أما أسبوع الجاي ما بعرف إذا بغيروهم

بس انتبهوا يا جماعة في مراقبات علينا من مخبر الورش هون بالمنتدى بعضويات سرية بس إلا ما أكتشفها قريباً

بس عنجد كان مخبر الورش من أحلى المخابر اللي دخلناها و درسنا فيها و عنجد طلعنا بفائدة و بكم من المعلومات

و ألف شكر لآساتذة المخبر فرداً فرداً و أولهم أستاذ مصعب شبيب اللي كان معنا متل أخونا الكبير و الآنسة اللي طالعت روحي بآخر أختبار :p و طبعاً باقي الآنسات و الأساتذة

AHmAD KhAtTaB
05-23-2011, 02:42 PM
انا عندي يوم الخميس يا ريت الكل يحط اسئلتو
ومنشان التجارب اسمعت بس 5 تجارب بتيجي .. واللحام ما داخلة .. يعني نحنا شو بدنا ندرس متل المذاكرات النظري ولا بيسألوك متل المشروع اسئلة فهم ... يا ريت يساعدونا كيف ندرس يلي قدمو امتحان وشكرا سلفآ

M@7M0uD
05-23-2011, 03:51 PM
يا أخ أحمد:
التجارب كلها داخلة بالامتحان
وبجيك بالامتحان أربع تجارب وليس خمسة
وبالنسبة لتجربة اللحام بسألوك نظري إذا اجت (متل :انواع المذايبات ,عرف اللحام ......متل النظري لكن بدك تجاوب شفهي )
وبيقولك شو اسم القطع بتجربة اللحام والعناصر الالكترونية
وكل تجربة عليها 12علامة( 6 علامات ع التوصيل ومثلها عالمناقشة )
والأساتذة حبابين وكريمين بالعلامات إلا ما رحم ربي
اجتني انا تجربة والآنسة عبتسألني وعبجاوبها صح قام صارت اتصعب الأسئلة لحتى اعجزت !!!
الله يسامحها
سبحان مين ريحني من هالمادة
وانشالله الكل بياخد علامات عالية
وبالنسبة لعلامات العملي يلي عليهن (52 علامة) سألت الأستاذ وقلي انشالله الأحد قادم بكون نازلين
بالتوفييييييق للكل
:)

M@7M0uD
05-23-2011, 04:14 PM
نسيت أقلكن الأسئلة يلي اجتني :
التجربة الأولى فلورسينت : توصيل دراة فلوريسنت عن طريق مفتاح الدركسيون
والنظري جداً سهل ( ليش منوصل الأمبير تسلسل والفولت تفرع , وشو وظيفة القسطل والملف الخانق وعلب التوزيع وليش منفضل التوصيل عالتفرع ......)
التجربة الثانية القاطع التفاضلي :توصلي الدراة بوجود الريليه
النظري :عدد انواع الريليه وشو وظيفة الريليه الموجود بالدارة ومما يتكون القاطع التفاضلي وشو وظيفتو ومبدأ عملو والقاطع السكيني شو وظيفتو و ......)
التجربة الثالثة الحاسب :أسهل تجربة الآنسة بتأشرلك عالقطعة وانت بتقول اسمها للقطعة طبعاً ووظيفة بعض القطع الهامة ولازم تعرف وين منوصل كل شغلة
التجربة الرابعة المحولات :توصيل الدراة بالشكل المثلثي ثم بالشكل النجمي
النظري :عرف المحولة وعدد أنواعها وتحدث عن المحولة ثلاثية الطور وتحدث عن المحولة الذاتية وشو الفرق بينها وبين العادية
وأين تستخدم المحولة الذاتية وشو فائدة المحولة وشأد سعة خط الطور والخط العادي ولسع في كمان لأني هلكتن يالآنسة بالأسئلة
انشالله ما أكون نسيت شي
بالتوفيق لكل يلي ماقدموا وانشالله
بي بااااااااااااااااي ورش
وأحلى وردة للأستاذ فراس

simple
05-23-2011, 04:34 PM
وليش منفضل التوصيل عالتفرع

عدد انواع الريليه وشو وظيفة الريليه الموجود بالدارة ومما يتكون القاطع التفاضلي

وشأد سعة خط الطور والخط العادي

شو حل هالأسئلة ؟؟؟؟؟؟؟

waseem kalaji
05-23-2011, 04:46 PM
وليش منفضل التوصيل عالتفرع
هلق أنا انسألت هالسؤال و بوقتها قلتلو : مشان إذا احترق واحد ما يحترقوا الكل معو على عكس التسلسل تماماً
و كان في سبب تاني هو قلي اياه بس راح عن بالي طاول

Aleppo Force
05-23-2011, 05:06 PM
وليش منفضل التوصيل عالتفرع

عدد انواع الريليه وشو وظيفة الريليه الموجود بالدارة ومما يتكون القاطع التفاضلي

وشأد سعة خط الطور والخط العادي

شو حل هالأسئلة ؟؟؟؟؟؟؟

التوصيل عالتفرع :
1) لكي لا يخربوا لو خرب واحد منهم و صار مكانه قاطع مفتوح و هنن عالتسلسل رح يلغى الفرع بالكامل .
2) حتى يكون فرق الكمون على المصباح الواحد 220 ، لأن لو انوصلوا كلهم عالتسلسل ، رح يكونوا كلهم فرع واحد فرق الكمون بين طرفيه 220 رح توزع عال 3 ، يعني كل وحدة رح تصرف 220\3 بس :(

عدد انواع الريليه وشو وظيفة الريليه الموجود بالدارة ومما يتكون القاطع التفاضلي
: نظري ، اسألوا طلاب القدرة هههههههه


وشأد سعة خط الطور والخط العادي
السؤال غامض :( ، يمكن القصد التوتر ؟؟؟؟
توتر الطور : 380 ، و توتر الخط 220 .

AHmAD KhAtTaB
05-23-2011, 07:01 PM
يعني الواحد بدو يدرس من الكتاب 8 تجارب شي 150 صفحة وبجيبو اسئلة فهم

M@7M0uD
05-23-2011, 09:18 PM
عدد انواع الريليه وشو وظيفة الريليه الموجود بالدارة ومما يتكون القاطع التفاضلي
الأجوبة تبعات فؤاد ووسيم صح
وجواب هالسؤال بتلاقيه بالكتاب
كنت حطيت الجواب لكن نسيتوو الكتاب يلي كان عندي رجعتو لرفيقي بعد الامتحان مباشرة :)
رح أعصر مخي شوي
يعني مشان أنواع الريليه على ما أذكر :
في ريليه حراري ومغناطيسي و إطلاق........
ومشان وظيفتو للريليه يلي موجود بالدارة يلي اسمو ريليه الاطلاق وهو كهرومغناطيسي يوصل مع الملفات الثانوية ويعمل على أن يكون التيار المار في الطور مساوياً للمار في الحيادي
ويكون المجموع الشاعي للتيار يساوي الصفر
ومما يتكون القاطع التفاضلي :
موجود بالكتاب بس بشكل مو واضح نستو ع الخالص :(

يعني الواحد بدو يدرس من الكتاب 8 تجارب شي 150 صفحة وبجيبو اسئلة فهم
لك ليش خايف منا
انت ادروس من الكتاب والسؤال المهم واضح كتير
ونص الكتاب محذوف
اتوكل ع الله وأهم شي اتركز ع وظائف بعض الشغلات فقط
بالتوفيق

أثينا
05-25-2011, 07:58 PM
ما بكفي أدرس الأسئلة إللي عم تحطوها مع التوصيل مع ضمان علامة منيحة

هلأ الأسئلة يلي عم تنزل بتتكرر كتير يعني ادرسيهن منيح بس أكيد مو كافي :
تجربة مصباح فلوريسنت لازم تدرسي كلشي فيها يعني أنواع المصابيح وومبدأ عمل مصباح فلوريسنت وأقسامه وظيفة كل أقسامه والتوصيل ..
عداد القدرة ادرسي فقرة عداد القدرة وكمان التوصيل ...
القاطع التفاضلي ادرسيها كلها لأنو أنا انسألت من عند قصر الدارة لعند نهااااااااية مبدأ عمل القاطع التفاضلي ...دخت والأنسة عم تسألني بس بالأخير كحلتها الأنسة ....:D
الجلسة التانية ما درست فيها شي:(:( بس ادرسيها يعني فهم .....واقرأيها ....
جلسة التعرف ع العناصر الإلكترونية بدك تعرفي أنواع المقاومات والمكثفات وهيك كمااان فهم .....
وجلسة الكونتاكتور مهمة جداً ونصيحة ادرسيها كلها هيك رأيي :rolleyes::rolleyes:
وجلسة الحاسب بس بدك تتعرفي ع أقسام لوحة الأم .......وتعرفي الفرق بين الذاكرة ROM وRAM :)
إن شا الله أكون فدتك ولو بشوي وما دوختك وموفقة بالإمتحان بس قلك شغلة سهل ........:o:o

M@7M0uD
05-25-2011, 08:01 PM
ما بكفي أدرس الأسئلة إللي عم تحطوها مع التوصيل مع ضمان علامة منيحة

بكفي بس مو مضمونة
انتي اطلعي عالكتاب وافهمي فهم
والمهم تعرفي التوصيل
والأساتذة حبابين كتير وبساعدو
وانشالله بتقدمي كويس
بالتوفيق

simple
05-25-2011, 10:27 PM
أكتر جلسة فيها نظري هيي الفلوريسانت .. أنا ما عافت سؤال و ما سألتني ياه .. كل الأسئلة اللي حطوه الشباب + ما هي مساوئ المصابيح العادية + متحدثي عن مصابيح الهالوجين التغستين و الفرق بينها و بين العادية ..

بالنسبة للكونتاكتور سألني سؤال إنو التماس 13 , 14 وين موجود ؟؟ بتقولي بالكونتاكتور .. و شو نوعه ؟ بتقولي تماس مساعد .. و كيف عرفتي إنو مساعد .. بتقولي من الترقيم .. و بتشرحيله ترقيم التماسات المساعدة و الرئيسية .. و طبعاً سألني عن حماية الطور .. شو وظيفتا ؟ ما بدها شي اقرأيها بدقيقتين بتفهميا ..و كمان الحماية الحرارية بالكونتاكتور آلية و لا يدوية ؟؟ بتقولي إنو آلية و يدوية .. و طبعا لازم تقوليله إنو بتشتغل وقت بصير زيادة تحميل .. و بيسأل إذا كافية ؟؟ بتقولي لاا .. لازم نحط حماية مغناطيسية .. لأنو إذا صار قصر و مر تيار كبيير .. ما رح تلحق الحماية الحرارية تفصل إلا لما يكون الكابلات انصهرو و المحرك صيّف ..
و بيسأل أي أحسن الحماية المغناطيسية و لا الفاصمة ؟؟ .. بتقولي المغناطيسية .. و بيقلك ليش ؟؟ .. ماني متذكرة بالضبط .. بس يعني لأنو الفاصمة المنصهر السلك معرض للهواء و بالتالي ممكن مع الزمن ..مدري شو بصيرلو .. يعني بتآكل أو ما بعود بتحمّل تيار .. يعني ممكن إنو ينصهر السلك .. قبل القيمة اللي لازم ينصهر عندها .. يعني بيكون التيار اللي مارر بالكبل 3 أمبير مثلا .. و المفروض بس من مر تيار أكبر منو ينصهر سلك الفاصمة .. بس مع الزمن ممكن تنصهر الفاصمة إذا مر فيها تيار مثلا 2.5 .. يعني ما بتعود تتحمل تيار كبير .. اقرأيها من الكتاب و خلصينا

امم بالقاطع التفاضلي .. شو وظيفة الريلية .. أكييد بدها تسألك ياها .. و طبعا مهم تعرفي أنواع القواطع و وظيفتها و مبدأ عملها .. بس افهمين ببيمشي الحال .. لاااا تخافي :)
و طلعتلي كمان جلسة الحاسب .. هي أسهل شي .. بتسألك عالقطع اللي فيها و عن البيوس و السيموس ..ركزي عليهن ..

و مووفقة ولاء و الجميع :)

محمود الباشا
05-26-2011, 10:55 PM
و الله حسب ما سمعت و شفت
انو اغلب اللي قدمو قدمو منيح

شي ببيّض الوش و الله :)

simple
11-06-2011, 06:48 PM
بعد انتهاء الورشة ، تم عمل كتيّب تلخصياً لأهم مارود في هذه الورشة ، تم تقسيم الكتيب إلى :
قسم للمخلصات
+
قسم للأسئلة المذاكرات و الامتحانات

و عسى الله ينفعكم به .. دعواتكم
ساهم أيضاً في إعداد الكتيّب :
أ. محمود الباشا ، نور-29 ، سمايل ، جزيل الشكر و العرفان لهم

لتحميل الكتيّب من المرفقات ، بالتوفيق

كتيب الورش.pdf (http://www.eeefaculty.com/forum/attachment.php?attachmentid=4946&d=1320594360)